Pôa Vương Đình Huệ prế jâ Megawati hiăng môi tuăn tung la ngiâ ah, mâu kơ koan ai tơdjâk dêi Việt Nam ƀă Indonesia kal athế hbrâ ăm tơdroăng ki pơkâ tơƀrê khât ƀă ai pơxúa păng ‘nâng cho vâ thăm mơdêk hên tâ nếo tung tơrŭm cheăng pơla peá pâ tơnêi têa tung rêm kơpong, mâu ƀăng, rêm râ, ki rơhêng vâ tối cho ‘na hnoăng cheăng Đảng, xua kố cho hnoăng cheăng ki xiâm vâ peá pâ tơnêi têa pơtối mơnhông tơrŭm cheăng nhŏng o, hnối ai tá tơdroăng tơpui leăng pơla peá pâ tơnêi têa.

Ki rơhêng vâ tối pơla Kơ koan tơpui leăng ‘na tuăn hiâm Pancasila ƀă Kơ koan hriăn plĕng ƀă ki rơkê nếo  dêi kong têa Indonesia xua jâ Megawati pro Kăn xiâm hnê ngăn tơpui leăng dêi kong têa Indonesia ƀă Viê̆n Hàn lâm Khoa hok xah hô̆i Việt Nam, Viê̆n Hàn lâm Khoa hok ƀă Kŏng ngê̆. Drêng kố, pôa Vương Đình Huệ hiăng pơtroh rơkong tơpui dêi pôa Nguyễn Phú Trọng, Kăn xiâm pơkuâ hnê ngăn ƀă mâu kăn xiâm dêi Việt Nam krếo thế jâ Megawati vêh pôu nếo a tơnêi têa Việt Nam. Jâ Megawati hiăng hâk phiu tiâ hôm ƀă tơhrâ kô rĕng lăm pôu a Việt Nam.