Tơpui a rôh leh, pôa Nguyễn Hòa Bình, Phŏ Ngế pro xiâm hnê ngăn tơnêi têa tối nhên, tơdroăng ki ƀlêi chiâng dêi VSIP Quảng Ngãi cho môi tơdroăng ki hdró, mơhno ki pơxúa ăm tơdroăng veăng gum kơhnâ tung mơnhông cheăng kâ rêh ối pơlê pơla dêi kong pơlê Quảng Ngãi.

Vâ tơdroăng tơkêa ‘no liăn pro ƀă tê mơdró hngêi trăng, troăng klông Kơpong cheăng ƀă kơmăi kơmok VSIP II Quảng Ngãi châ tơbleăng tro tơdroăng ƀă pêi châ tơdroăng ki tơƀrê môi tiah púi vâ, Phŏ Ngế pro xiâm hnê ngăn tơnêi têa pơkâ thế Grup pơkuâ Sembcorp ƀă Becamex pơtối mơnhông ki tơƀrê túa pêi mâu Kơpong cheăng ƀă kơmăi kơmok, Kơphô̆ ƀă Tê mơdró; hnê mơhno ‘no liăn, mơjiâng kơpong cheăng ƀă kơmăi kơmok SVIP II Quảng Ngãi tiô troăng pơkâ kơpong cheăng ƀă kơmăi kơmok rơkê, ƀă krá ton – kơphô̆ - tê mơdró – kong ngê̆ chal nếo; tơdrêng amê, hlối mơnhên tung pơla pơhlêh tiô chal nôkố athế rak tơniăn mơnhông tơniăn tro ƀă pơlê pơla, hngêi trăng, troăng klông ƀă mơnhông cheăng kâ rơkê plĕng ăm kong pơlê.