VOV4.Xơ Đăng - Tung rôh lăm păng ‘nâng kong têa Ănglê, hâi lơ 30/6, pôa Vương Đình Huệ, kăn xiâm hnê ngăn Kuô̆k hô̆i tơnêi têa pin hiăng veăng hôp a Rôh hôp tơrŭm cheăng hnê hriâm việt Nam – kong têa Ănglê. Tơpui a Rôh hôp, pôa Vương Đình Huệ, kăn xiâm hnê ngăn Kuô̆k hô̆i tối tiah kố, hnê hriâmn cho tơdroăng ki xiâm a Việt Nam, mơnhông tơdroăng hnê hriâm châ mơnhên cho môi tung pái tơdroăng ki kal vâ peie pro tơdroăng tung la ngiâ mơnhông mơdêk cheăng kâ rêh ối pơlê pơla dêi Việt Nam.

Pôa Vương Đình Huệ, kăn xiâm hnê ngăn Kuô̆k hô̆i tơpui a rôh hôp

Rôh hôp ‘na hnê hriâm, môi tơdroăng ki lâi ‘lo ối kal tâ tá mâu tơdroăng ki ai tơdjâk troh tê mơdró, cheăng kâ, ‘no liăn. Kăn xiâm hnê ngăn Kuô̆k hô̆i rơhêng vâ, péa pâ kal tơmâng ngăn troh mâu kơvâ cheăng môi tiah: Chin phuh Ănglê pơtối tŏng kum ăm tơdroăng hnê ƀă hriâm nâl Ănglê a Việt Nam, pơtối mơdêk liăn hriâm rơkê ăm sinh viên Việt Nam; mơdêk kơxô̆ mâu tơdroăng ki tơrŭm hnê ƀă mâu hngêi trung đăi hok ki rơkê dêi Ănglê, tung mê ai tơmâng troh kơva cheăng khoa hok, kơmăi kơmok ƀă hnê râ tiê̆n sih.

Katarina Nga tơplôu ƀă tơbleăng