VOV4.Xơ Đăng - Kơxê lơ 6/5, a Hà Nội, Khu xiâm pơkuâ Kŏng an tơkŭm po Hneăng hôp mơgêi 01 hơnăm pêi pro Mơgêi kơxô̆ 01 dêi Khu xiâm kal kí, mơgêi Roh mơhnhôk ‘’Mơjiâng troăng pêi cheăng mơngế Kŏng an kuăn pơlê khên tơnôu, pêi cheăng lĕm, xua kuăn pơlê, kum kuăn pơlê’’, Pơkâ xo rơkong tơpui tối dêi kuăn pơlê ƀă diâp mâu troăng kheăn kơdeăn râ Tơnêi têa. Pôa Vương Đình Huệ, Kăn xiâm hnê ngăn Kuô̆k hô̆i veăng hneăng hôp.

Pôa Vương Đình Huệ, Kăn xiâm hnê ngăn Kuo#k ho#i dế tơpui a hneăng hôp

Xông tơpui a hneăng hôp, teăng mâ khu râ kăn pơkuâ Đảng, Tơnêi têa, Vi ƀan pơkuâ Kuô̆k hô̆i, pôa Vương Đình Huệ kheăn kơdeăn ƀă rơkâu mâu tơdroăng châ tơƀrê, tơdroăng ki hôm dêi khu kŏng an kuăn pơlê hiăng châ tơƀrê. Tung la ngiâ, pôa Vương Đình Huệ pơkâ thế Đảng ƀô̆ Kŏng an tơnêi têa, Khu xiâm pơkuâ Kŏng an pơtối thăm pêi pro tơdroăng hriâm tâp ƀă pêi tiô troăng tơdjâ hiâm mơno Hồ Chí Minh tiô Mơgêi kơxô̆ 01, Pơkâ kơxô̆ 05 dêi Khu xiâm kal kí ƀă pêi pro tơdrốu tơdroăng Pôa Hồ hnê Kŏng an kuăn pơlê, roh mơhnhôk ‘’Mơjiâng troăng pêi cheăng Kŏng an kuăn pơlê, khên tơnôu, pêi cheăng lĕm, xua kuăn pơlê, kum kuăn pơlê’’; ki rơhêng vâ tối tơtrŏng tung tơdroăng hnê hriâm kal kí, troăng tơdjâk lĕm, hnê hriâm tiô khôi vâi krâ nah, hnê hriâm tơdroăng rêh ối, hiâm mơno pôu râng hnoăng cheăng, hlê plĕng kum ăm Tơnêi têa, kum ăm kuăn pơlê tung tâi tâng khu lêng.

A Sa Ly tơplôu [ă tơbleăng