Hơnăm 2023, kơvâ séa ngăn arak luât ai hên ivá mơ-eăm, pêi pro hên troăng hơlâ rak vế tơniăn mâu tơdroăng cheăng tiô kơvâ cheăng, hnoăng cheăng, pơsăm tối nếo 98.369 rôh tơdroăng xôi, tâk 13,4% tâng vâ pơchông ƀă khế kố hơnăm nah. Kơvâ cheăng Séa ngăn arak luât hiăng pơkâ, tơbleăng pêi pro tro mâu pơkâ dêi Đảng, dêi Kuô̆k hi tơdjâk troh hnoăng cheăng luât ƀă kơvâ cheăng ki ai tơdjâk, hnoăng cheăng dêi Viê̆n séa ngăn arak luât tơkŭm hơ’lêh nếo mâu hnoăng cheăng.

Klêi mê, pơkâ xoăng mâu kơ koan tơnêi têa tiô troăng ki ‘nâng ‘nâi, tơƀrê, mơdêk pêi pro tơdroăng ki hơ’lêh kơxô̆ ƀă xúa kong ngê̆ thong tin; tơkŭm khu lêng, thăm mơdêk mâu tơdroăng ki rak tơniăn ƀă tơbleăng pêi pro hnoăng cheăng tơrŭm ƀă kong têa ê tung tơplâ mơdât mâu ngế ki pro xôi; pêi pro tro hnoăng cheăng kơ koan xiâm Tơnêi têa tung tŏng kum luât tơdroăng xôi.