Hơnăm 2023, Ƀơrô Kuô̆k hô̆i hiăng tí tăng ‘nâi plĕng, tơkŭm pê klêi 5 rôh hôp Kuô̆k hô̆i tá 3 rôh hôp ôh tá xê tiah hmâ ƀă 2 rôh hôp tiah hmâ; 15 rôh hôp dêi Vi ƀan pơkuâ Kuô̆k hô̆i; 25 rôh hôp, hneăng hôp dêi Đảng khu kăn Kuô̆k hô̆i; 04 Khu kăn séa ngăn chuyên đề dêi Kuô̆k hô̆i, Vi ƀan pơkuâ cheăng Kuô̆k hô̆i ƀă mâu tơdroăng kal ki kân tung lâp tơnêi têa, lâp plâi tơnêi, mê cho: Hneăng hôp tơpui ‘na cheăng kâ-rêh ối dêi Việt Nam hơnăm 2023; hneăng hôp pơtih “Kuô̆k hô̆i vâi hdrêng” rôh má môi hơnăm 2023; Hneăng hôp mâu kăn Kuô̆k hô̆i hơnăm ối nếo tung lâp tơnêi têa rôh má 9, Hneăng hôp Khu Hnê tối ‘na tơdroăng tơrŭm po hneăng hôp dêi mâu kăn Kuô̆k hô̆i  khu tơrŭm cheăng dêi mâu kong têa Đông Nam Á (AIPA Caucus) rôh má 14.  

Mâu tơdroăng ki mơ-eăm mê hiăng veăng kum pêi kal khât tung tơdroăng châ ƀlêi chiâng dêi Kuô̆k hô̆i tung hơnăm 2023. Vâ tối ki iâ gá ƀă 11 tơdroăng cheăng pêi hơnăm 2024 ƀă ƀơrô Kuô̆k hô̆i  hiăng pơkâ, Kăn xiâm hnê ngăn Kuô̆k hô̆i pơkâ thế mâu kơ koan dêi Kuô̆k hô̆i, Ƀơrô Kuô̆k hô̆i kal pơtối mơ-eăm vâ kơhnăm kơ’nâi pê klêi mâu tơdroăng cheăng luâ tâ hơnăm hdrối.