VOV4.Xơ Đăng - Kơxê măng lơ 3/6, Um tơvi Kuô̆k hô̆i Việt Nam tơbleăng Kơmăi kơnó ngiâ nếo  ƀă Tíu ƀâng 7. Teăng mâ khu râ kăn pơkuâ Kuô̆k hô̆i, Vi ƀan pơkuâ Kuô̆k hô̆i phiu ro rơkâu ‘na mâu tơdroăng châ tơƀrê ki kal tung pơ’lêh nếo, mơdêk ki dâi lĕm, tơdroăng xiâm ƀă tơdroăng mơhno mâu tơdroăng dêi Um tơvi dêi Kuô̆k hô̆i Việt Nam; tơxâng tiô tơdroăng pơkâ dêi Kuô̆k hô̆i, Vi ƀan pơkuâ Kuô̆k hô̆i, kơdrâm kuăn pơlê.

Pôa Vương Đình Huệ, Kăn xiâm hnê ngăn Kuô̆k hô̆i veăng leh tơbleăng

Pôa Vương Đình Huệ, Kăn xiâm hnê ngăn Kuô̆k hô̆i tối, kố cho mâu tơdroăng ki kal vâ um tơvi Kuô̆k hô̆i Việt Nam kô mơnhên hnoăng cheăng cho kông tơdjêp pơla Kuô̆k hô̆i, kăn teăng mâ Kuô̆k hô̆i ƀă kuăn pơlê ƀă mâu ngế ngăn um tơvi lâp tơnêi têa. Pôa Vương Đình Huệ pơchân tối, pơ’lêh kơmăi kơnó ngiâ xuân thế nếo ‘na tơdroăng khŏm mơ-eăm tâ nếo ‘na tơdroăng a ngâ, nếo ‘na tơdroăng pêi.

A Sa Ly tơplôu ƀă tơbleăng