A leh tơbâ, teăng mâ khu râ kăn pơkuâ hnê ngăn Đảng, Tơnêi têa, pôa Vương Đình Huệ hiăng diâp Mê dái pêi cheăng ối má môi ăm Khu pú hên Hlá tơbeăng kăn teăng mâ kuăn pơlê. Hlá tơbeăng kăn teăng mâ kuăn pơlê pơtối cho tuăn mâ rơtế tơmiât, rơtế tơpui tối, cho kơpeăng kŏng rơtế pêi ƀă mơngế ki tâ phĭu rah xo kăn pơkuâ ƀă kuăn pơlê lâp tơnêi têa.

Xông tơpui a roh leh, pôa Trần Thanh Mẫn, Kăn xiâm phŏ hnê mơhno má môi Kuô̆k hô̆i pơkâ thế, tung pơla pơ’lêh pêi cheăng xúa kŏng ngê̆ ƀă mot tơrŭm lâp plâi tơnêi dế tơkŭm po ó rơdêi nôkố, rêm ngế kăn ƀô̆, ngế chêh hlá tơbeăng, ngế rah chêh hlá tơbeăng dêi Khu chêh hlá tơbeăng xúa kŏng ngê̆, xúa châ tơƀrê tơmeăm ki rơdêi krê ki ai, tơdroăng ăm tơtro, tơdrăng, rĕng ƀă mơhno tơdroăng ki ai khât tung tơdroăng rêh ối, vâ Hlá tơbeăng kăn teăng mâ kuăn pơlê chiâng môi tung mâu kơ koan hlá tơbeăng prôk hdrối tung pơ’lêh pêi cheăng xúa kŏng ngê̆ dêi mâu kơ koan chêh hlá tơbeăng tung tơnêi têa.