A rôh tơpui tơno, Kăn xiâm hnê ngăn Kuô̆k hô̆i Vương Đình Huệ tối, Việt Nam đi đo nhoăm ƀă púi vâ mơdêk loi nhoăm dêi rơpó pêi trâu tá nếo tơdroăng tơrŭm pơla péa tơnêi têa; rơtế mơ-eăm pêi mâu troăng rơhlâ mơdêk tơrŭm krá tâ nếo tung la ngiâ.

Péa ngế Kăn  hnê ngăn vâ môi tiăn mơdêk hôp tơpui tơno tơrá mâu kăn xiâm rêm râ, tơbleăng pêi tơƀrê mâu tơdroăng cheăng pơkâ tiô hiăng pơkâ pơla péa tơnêi têa. Tơpui tơno ‘na mâu tơdroăng tơrŭm cheăng a mâu kăn Kuô̆k hô̆i, péa ngế kăn xiâm vâ môi tuăn mơdêk tơrŭm péa kơ koan mơjiâng luât péa tơnêi têa; tơpui tối mâu túa cheăng, pơtối rak vế hnoăng cheăng dêi Khu kăn Kuô̆k hô̆i tơrŭm péa tơnêi têa; tơrŭm ƀă, veăng kum dêi rơpó a mâu rôh hôp tơpui hên tơdroăng, tơrŭm pơtối rak môi tuăn ƀă hnoăng cheăng pêi ối tơdế rá dêi ASEAN, malối cho mâu tơdroăng tung kơpong xuân môi tiah  ‘na Biển Đông, Myanmar.