A chôu phut pêi cheăng mê, Kăn xiâm hnê ngăn Kuô̆k hôi Vương Đình Huệ  hiăng pâ thế Khu xiâm pơkuâ ngăn lêng, Khu xiâm ngăn ‘na cheăng kơmăi lêng pơtối hriăn plĕng, pơkâ mơ’no thế Khu ngăn Đảng lêng, Khu xiâm pơkuâ ngăn lêng veăng tối ăm Đảng, Tơnêi têa pơkâ po troăng tơdjâ, troăng pơkâ ‘na mơjiâng, mơnhông cheăng kơmăi kơmok lêng tro tiô tơdroăng ki mơhông cheăng tơná, kơdo mơ-eăm, khŏm xúa ivá tơná cheăng; tŭm ivá ki rơkê plĕng vâ hriăn plĕng, chêh tối, bro mơjiâng, pêi pro tiô chal nếo tơnêi têa, mơjiâng ƀă kring vế Tơnêi têa tung chal nếo.

Pakĭng mê, kal tơkŭm hnê mơhno ăm mâu khu râ, kơvâ cheăng troăng hơlâ ‘na mơjiâng túa cheăng mơnhông pêi cheăng kơmăi kơmok cheăng lêng. Kăn xiâm hnê ngăn Kuô̆k hô̆i loi tơngah tiah kố, Khu xiâm ngăn cheăng kơmăi kơmok lêng pơtối đo đo tơrŭm, hloh hlê rơkê plĕng, mơjiâng Khu xiâm cheăng krúa lĕm, krá rơdêi, tơtro tiô tơdroăng ki mơjiâng Khu lêng tiô chal nếo, rơkê, khên tơnôu, tơxâng ƀă tuăn loi tơngah dêi Đảng, Tơnêi têa ƀă Kuăn pơlê.