Tung hơnăm 2023, cheăng kâ-rêh ối dêi kong pơlê Tây Ninh vâ tối tơniăn ƀă hlo mơnhông tơƀrê. Mâu kơxô̆ pơkâ cheăng kâ rêh ối- ‘na hyôh kong prâi xuân pê klêi. Tung mê kơxô̆ pơkâ xăm kơtiê châ pêi hlo tơƀrê, kơxô̆ rơpŏng kơtiê hên tơdroăng dêi Tây Ninh bú ối 0,67%- cho môi tung mâu  kong pơlê ai kơxô̆ rơpŏng kơtiê iâ má môi tung lâp tơnêi têa.

Tối tơbleăng a rôh pêi cheăng, Kăn xiâm hnê ngăn Kuô̆k hô̆i  Vương Đình Huệ khê̆n kơdeăn  ƀă mơnê tơdroăng kơdôu mơ-eăm kal kí, púi tơngah châ mơ  eăm mơnhông  tơƀrê dêi Đảng ƀô̆ , mâu kăn, mâu lêng ƀă kuăn pơlê  kong pơlê Tây Ninh, tơdroăng veăng hơ’lêh nếo tuăn tơmiêt rơtế ƀă mâu troăng rơhlâ  pêi tơdrêng dêi rêm râ ủy, mâu kăn, cheăng kâ dêi Tây Ninh hiăng tơkâ luâ xơpá, pơtối  pêi tâk; tơniăn tung rêh ối pêlê pơla, rak ngăn mâu ngế ai hnoăng tơnêi têa; malối cho tơdroăng xăm kơtiê pêi hlo tơƀrê. Kăn xiâm hnê ngăn tơnêi têa Vương Đình Huệ  pơkâ thế, tung la ngiâ, kong pơlê Tây Ninh séa ngăn nhên tơdroăng  pơkâ dêi Xiâm tơnêi têa, Chin phuh mơ-eăm pê khŏm klêi vâ ai tiô tơdroăng pơkâ ki hên má môi dêi plâ hneăng.