Kơxo lơ 1/12, kăn xiâm hnê ngăn Kuô̆k hô̆i Vương Đình Huệ pơkuâ po leh tơdah kân krip, klêi kơ’nâi leh tơdah, péa ngế kăn xiâm hnê ngăn Kuô̆k hô̆i hiăng tơpui tơno. Péa ngế kăn xiâm hnê ngăn Kuô̆k hô̆i pơrá tối nhên kô thăm mơdêk tâ nếo tơrŭm pơla péa tơnêi têa tung la ngiâ. Péa pâ rơtế môi tuăn kal pơtối ‘mâi mơnhông ƀă mơdêk tơrŭm, loi tơngah tơdroăng kal kí, tơrŭm pêi pro tro mâu tơdroăng tơbleăng tơdjuôm, mâu tơdroăng tơkêa tơrŭm cheăng, malối cho Mơgêi Rôh trâm pơla kăn xiâm pơkuâ péa Đảng hơnăm 2023, mơgêi rôh trâm pơla pái ngế kăn xiâm pơkuâ pái Đảng Việt Nam – Lếo – Kul.

Việt Nam – Kul mơdêk, tơrŭm cheăng lêng, gâk kring, ngăn kố cho tơdroăng ki xiâm dêi tơrŭm cheăng péa tơnêi têa, đi đo cho tíu hgiân krá rơdêi ăm dêi rơpó tung rak vế gâk kring tơnêi têa, hbrâ mơdât tơƀrê mâu tơdroăng pơloăng mơnúa gâk kring ôh tá xê to khôi hmâ; mơdêk tơrŭm gâk kring măng Internet; pơtối tơrŭm mơjiâng troăng tơkăng kong hơniâp lĕm, tơniăn, mơnhông mơdêk.