Ngế pro xiâm hnê ngăn kong têa Siam khĕn kơdeăn khât ki pơxúa hneăng lăm pôu dêi Kăn xiâm hnê ngăn Kuô̆k hô̆i Vương Đình Huệ drêng troh tơbâ 10 hơnăm mơjiâng tơrŭm cheăng pơla Việt Nam - Siam, kum tơdroăng tơrŭm cheăng dêi péa tơnêi têa mơnhông rế tơƀrê trâu rơdâ, ai pơxúa.

Kăn xiâm hnê ngăn Kuô̆k hô̆i Vương Đình Huệ tơbleăng ƀă Ngế pro xiâm hnê ngăn kong têa Siam Srettha Thavisin mâu tơdroăng ki hiăng pêi châ tơƀrê tung rôh Hôp tơpui tơno ƀă Kăn xiâm hnê ngăn Kuô̆k hô̆i Siam, tối nhên, tơdroăng Kuô̆k hô̆i péa tơnêi têa kĭ Hlá mơ-eá chôu pâ tơrŭm cheăng kô mơdêk tâ nếo tơdroăng tơrŭm cheăng pơla péa Kuô̆k hô̆i, veăng mơnhông tơrŭm cheăng ƀă púi vâ péa tơnêi têa rĕng mơdêk tơrŭm cheăng tung la ngiâ ăm tơtro.

Ngế pro xiâm hnê ngăn kong têa Siam tối kô lăm pôu Việt Nam hơnăm 2024 vâ môi tuăn mơdêk tơrŭm cheăng péa tơnêi têa tâk tung tŭm tơdroăng.