Tơpui a rôh trâm mâ, mâu khu mơdró ăm ‘nâi, hiăng ai hnoăng veăng ‘no hên khât ‘na cheăng kâ - rêh ối Lếo tung hên tơdroăng cheăng; hlối kum cheăng pêi ăm rơpâu ngế  ai cheăng pêi, tăng tơ’nôm kơxô̆ liăn pê lo, ‘mâi hơ’lêh tơdroăng rêh ối, tơ’nôm kơxô̆ liăn châ xo ăm hngêi rak liăn ngân tơnêi têa Lếo.

Tơbleăng a rôh trâm mâ, Kăn xiâm hnê ngăn Kuô̆k hô̆i mơnê Kuô̆k hô̆i ƀă Chin phuh Lếo hiăng tơmâng khât, tah ki xơpá ăm mâu khu mơdró Việt Nam; hlối khĕn kơdeăn ‘nâi kơdôu mơ-eăm khât dêi mâu khu mơdró Việt Nam, kố cho tơdroăng ki xiâm, pơkâ thế.

Hlo tơdroăng xơpá tơdjuôm nôkố, Kăn xiâm hnê ngăn Kuô̆k hô̆i Vương Đình Huệ púi vâ mâu khu mơdró  Việt Nam a Lếo thế kâi chân hlối mơ-eăm tâ nếo xua Đảng, Kuô̆k hô̆i ƀă Chin phuh péa tơnêi têa dế mơ-eăm tăng troăng vâ ‘no liăn cheăng rế lĕm tro tâ.