Péa ngế kăn xiâm pơkuâ tối phiu ro ƀă kheăn kơdeăn mâu tơdroăng châ tơƀrê ki kal tung tơrŭm cheăng pơla Việt Nam – Lếo tối tơdjuôm ƀă tơrŭm cheăng pơla Kuô̆k hô̆i péa tơnêi têa tối krê; tối nhên ki kal dêi tơdroăng mơdêk tơrŭm tê mơdró, mơ’no liăn cheăng, thăm tơdjêp cheăng kâ, tơdjêp troăng klông, mơdêk hnê hriâm – hnê mơjiâng tuăn ngôa rơkê, khôi túa lĕm tro ƀă trâm mâ kuăn pơlê; tơdrêng amê, môi tuăn kal pơtối tơmâng, tah lôi mâu tơdroăng pá puât, tơvâ tơvân ăm mâu khu tê mơdró ƀă mâu tơdroăng tơkêa bro tơrŭm cheăng ki kal péa tơnêi têa.

Péa pâ môi tuăn mơdêk tơpui tơno mâu roh lăm pôu, trâm mâ pơla khu râ kăn pơkuâ Kuô̆k hô̆i ƀă pơla mâu Vi ƀan dêi Kuô̆k hô̆i péa tơnêi têa; pơtối thăm tơrŭm cheăng, hnê ăm dêi pó túa ki rơkê tơtro pơla péa kơ koan mơjiâng luât.