Kăn xiâm hnê ngăn Kuô̆k hô̆i Vương Đình Huệ tối nhên, Kuô̆k hô̆i pái kong têa, thế tơdjuôm ivá, veăng tơlo ivá, kum rak tơniăn xiâm kối kal kí, tuăn pâ tiô khôi vâi krâ nah ƀă rŭm môi tuăn ki krê Kul – Lếo – Việt Nam. Tơrŭm cheăng nhŏng o, rŭm dêi pó ƀă loi tơngah kal kí pơla pái kong têa Kul – Lếo – Việt Nam cho tơmeăm ki kơnía, kơnâ troăng pêi cheăng ton xŏn tung tơdroăng mơjiâng, gâk kring ƀă mơnhông dêi pái tơnêi têa.

Việt Nam đi đo nhuô̆m ƀă ngăn kố cho hnoăng cheăng ton xŏn ƀă kơjo má môi tung troăng hơlâ tơpui kâ ƀă kong têa ê dêi Việt Nam. Kăn xiâm hnê ngăn Kuô̆k hô̆i Vương Đình Huệ pơkâ, Kuô̆k hô̆i pái kong têa mơhnhôk mâu Chin phuh ƀă mâu rêm pâ ki tơdjâk mơdêk pêi pro mâu pơkâ mơnhông krá tơniăn lâp plâi tơnêi, hbrâ ví kong prâi.