VOV4.Xơ Đăng - Drêng troh leh tơbâ 81 hâi khu hơnăm hiăng krâ Việt Nam (6/6), kơxo lơ 5/6, kăn xiâm hnê ngăn tơnêi têa hiăng lăm pôu, hbru tơmeăm ăm mâu ngế cheăng tiô túa mâu hơnăm hiăng krâ pêi cheăng rơkê a Khu pêi cheăng tơrŭm  Tân Minh Đức, cheăm Phạm Trấn, tơring Gia Lộc, kong pơlê Hải Dương; lăm pôu hbru tơmeăm ăm teăng mâ mâu hơnăm hiăng krâ a kong pơlê Hải Dương.

Hbru tơmeăm ăm vâi krâ nhŏng o, mâu ngế a Khu pêi cheăng tơrŭm mê, pôa Nguyễn Xuân Phúc, Kăn xiâm hnê ngăn tơnêi têa tối phiu ro hlo ƀă mâ hnoăng pêi pro dêi khu pêi cheăng tơrŭm Tân Minh Đức - môi tíu pêi cheăng tê mơdró  ai ngế pơkuâ cho ngế hơnăm hiăng krâ pêi cheăng rơkê.  Malối, Kăn xiâm hnê ngăn tơnêi têa khĕn kơdeăn Khu pêi cheăng tơrŭm hiăng xúa túa pêi cheăng ƀă rak ngăn tơ-brê, châ 1,7 rơtal liăn/ha, tơ’mot hên ngế veăng.

Pơtối mê, Kăn xiâm hnê ngăn tơnêi têa hiăng lăm pôu, mơhnhôk hơlêm, hbru tơmeăm ăm Kăn teăng mâ mâu ngế hơnăm hiăng krâ ƀă 15 ngế hơnăm hiăng krâ kơhnâ rơkê dêi kong pơlê Hải Dương.

Gương tơplôu ƀă tơbleăng