VOV4.Xơ Đăng - Tung tơdroăng veăng hôp tơpui ‘na tơdroăng ‘no liăn cheăng a mâu tơring Củ Chi ƀă Hoc Môn, pơlê kong kân Hồ Chí Minh, kơxo lơ 12/4, pôa Nguyễn Xuân Phúc, Kăn xiâm hnê ngăn tơnêi têa hiăng troh lăm pôu kơpong hngêi kơmăi ki dâi lê̆m. Klêi lăm pôu ngăn túa pêi cheăng, pôa Nguyễn Xuân Phúc khê̆n kơdeăn kơpong kô hiăng mơ-eăm châ tơ-brê tung tơdroăng cheăng pêi ‘na ivá tơná ôh tá xê to mơnhông mơdêk cheăng ƀă kơmăi kơmok ki dâi lê̆m dêi pơlê kong kân mê ối thế pro xiâm mơnhông mơdêk cheăng ƀă kơmăi kơmok  peăng mâ hâi lo ‘na hdroh tơnêi têa ƀă peăng mâ hâi lu ‘na hdroh tơnêi têa.

Kăn xiâm hnê ngăn tơnêi têa lăm pôu  ngăn Kơpong hngêi kơmăi ki dâi lê̆m

Kăn xiâm hnê ngăn tơnêi têa ăm ‘nâi, kơpong hngêi kơmăi ki dâi lê̆m pơlê kong kân Hồ Chí Minh cho 1 tung 10 kơpong hngêi kơmăi ki dâi lê̆m dêi lâp tơnêi têa ai mâ ngăn mơnhông tơ-brê hơngế tâ, hiăng djâ troăng a hdrối tung pêt báu prá alâi, păn ká xi xŏng, hmâ ƀă hyôh kong prâi, pêi chiâk deăng tung kơphô̆. Kơpong xúa tuăn ngôa rơkê ‘nâi hlê tung păn xi xŏng ƀă hên tơdroăng pêi chiâk deăng; kum khât tơdroăng mơ-eăm pơxiâm pêi cheăng, pơ’lêh cheăng xúa kơmăi ki dâi lê̆m. 

Gương tơplôu ƀă tơbleăng