Klêi kơ’nâi tơmâng tơbleăng tơdroăng po rơdâ pêi pro Pơkâ kơxô̆ 59 dêi Kuô̆k hô̆i ‘na troăng hơlâ mơ’no liăn cheăng tơdroăng tơkêa bro mơjiâng kân ăm phêp rơxế kơtâu têi Biên Hòa – Vũng Tàu hneăng má 1 ƀă tơdroăng pêi pro 3 tơdroăng tơkêa bro khu tơmeăm, tung mê ai tơdroăng tơkêa bro khu tơmeăm 3 xua Vi ƀan kong pơlê Bà Rịa – Vũng Tàu cho kơ koan pơkuâ, Kăn xiâm hnê ngăn Kuô̆k hô̆i Vương Đình Huệ tối, troh nôkố Bà Rịa – Vũng Tàu hiăng pêi kêi đeăng tơdroăng tăng tơnêi, pơcháu vâ pêi pro tơdroăng tơkêa bro.

Kăn xiâm hnê ngăn Kuô̆k hô̆i pói tơngah, tiô hiâm mơno dêi kong pơlê Bà Rịa – Vũng Tàu hiăng ƀeăn ƀĕng, cho khŏm mơ-eăm, pêi pro rĕng kơpong tơkâ kong pơlê ƀă pêi pro môi tiah mê, tơdroăng tơkêa bro kô kêi đeăng ôh tá tro pơkâ mê ối hluâ pơkâ mơ’no.