A roh leh, teăng mâ khu râ kăn pơkuâ Đảng, Tơnêi têa, Kăn xiâm hnê ngăn tơnêi têa Võ Văn Thưởng hiăng diâp Mê dái Hồ Chí Minh diâp Đảng ƀô̆, khu râ kăn pơkuâ ƀă kong pơlê Long An hiăng ai hnoăng kân, ki rơhêng vâ tối rơkê tung tơdroăng cheăng kăch măng dêi Đảng ƀă dêi hdroâng mơngế.

Xông tơpui a roh leh, teăng mâ khu râ kăn pơkuâ Đảng, Tơnêi têa, Kăn pơkuâ pơtâng tối tơdroăng kal tơnêi têa Nguyễn Trọng Nghĩa rơkâu ƀă kheăn kơdeăn mâu tơdroăng châ tơƀrê, rơkê ki Đảng ƀô̆ ƀă kuăn pơlê Long An hiăng đi đo mơ-eăm vâ châ tơƀrê tung pơla kố nah.

Klêi kơ’nâi mâu hâi xông tơplâ xâ, kuăn pơlê Long An hiăng tơklâ hluâ tâi tâng mâu tơdroăng ki hlâ, pá puât, rơtế kuăn pơlê lâp tơnêi têa plâ ƀlêi trâng lêng kong têa ê, mơgêi ƀă tơplâ Hồ Chí Minh hơnăm 1975, tơleăng lĕm peăng hdroh tơnêi têa, môi tuăn Tơnêi têa, thăm pêng păm khôi túa vâi krâ nah: môi tuăn khên tơnôu, rơdêi, tâi tâng kuăn pơlê plâ khu lêng ‘mêi dêi Đảng ƀô̆ ƀă kuăn pơlê Long An.