VOV4.Xơ Đăng - Kơxo lơ 14/7, a Hà Nội, pôa Nguyễn Xuân Phúc, Kăn xiâm hnê ngăn tơnêi têa, Ngế pơkuâ xiâm hnê mơhno mơjiâng tơdroăng tơkêa bro “Tơdroăng cheăng mơjiâng ƀă pê klêi tơnêi têa tro tiô luât xah hô̆i chuh ngiah Việt nam troh hơnăm 2030, troăng hơlâ pêi troh hơnăm 2045” pơkuâ hneăng Hôp kăn hnê mơhno tơnêi têa pêi cheăng ƀă Đảng đoân Măt trâ̆n Tơnêi têa Việt Nam  ‘na tơdroăng tơpui tơdroăng tơkêa bro.

Kăn xiâm hnê ngăn tơnêi têa pêi cheăng ƀă Măt trâ̆n tơnêi têa Việt Nam ‘na mơjiâng ƀă pê klêi Tơnêi têa tiô luât xah hô̆i chuh ngiah Việt Nam

Tơbâ nếo rơkong hnê dêi Pôa Hồ “Tơrŭm môi tuăn, tơrŭm môi tuăn, tơrŭm môi tuăn, ƀlêi trâng, ƀlêi trâng, ƀlêi trâng”, pôa Nguyễn Xuân Phúc tối, Măt trâ̆n tơnêi têa Việt Nam cho xiâm ki kal tung mơnhông mơdêk xah hô̆i chuh ngiah, pro xiâm dêi kuăn pơlê tung mơjiâng tơnêi têa tro tiô luât xah hô̆i chuh ngiah Việt Nam.

A rôh pêi cheăng, mâu tơdroăng ki kal, pêi tơ-brê tung mơjiâng klêi Tơnêi têa tro tiô luât xah hô̆i chuh ngiah Việt Nam tơdjâk troh hnoăng cheăng pêi, ivá cheăng, tơdroăng cheăng pêi dêi Măt trâ̆n Tơnêi têa Việt Nam xuân tơpui tơno, mơnhên. Hên tơdroăng tơdjâk troh tơkŭm po ƀă tơdroăng pêi pro dêi Măt trâ̆n Tơnêi têa Việt Nam châ Tôh rah chêh tơkŭm ƀă chêh ‘mot tung hlá mơ-éa dêi tơdroăng tơkêa.

 Gương tơplôu ƀă tơbleăng