VOV4.Xơ Đăng - Kơxê lơ 24/5, pôa Nguyễn Xuân Phúc, Kăn xiâm hnê ngăn tơnêi têa hiăng ai roh pêi cheăng ƀă Tôh Rah chêh mơjiâng tơdroăng tơkêa bro ‘’Troăng pêi cheăng ton xŏn mơjiâng ƀă kêi đeăng Tơnêi têa tiô luât xah hô̆i chuh ngiah Việt Nam troh hơnăm 2030, mơnhên troăng prôk troh hơnăm 2045’’. Xông tơpui a roh pêi cheăng, Kăn xiâm hnê ngăn tơnêi têa kheăn kơdeăn tơdroăng mơ-eăm ƀă pôu râng hnoăng cheăng dêi khu pêi cheăng Tôh Rah chêh mơjiâng tơdroăng tơkêa bro, mâu tơdroăng tơkêa mơ-éa Tơdroăng tơkêa bro hiăng tơxâng tiô tơdroăng kal vâ ‘na tơdroăng xiâm, tơdroăng pêi pro xua Khu hnê mơhno pơkâ mơ’no; tơdrêng amê, pơkâ Tôh Rah chêh pơtối pêi tiô tơdroăng hriăn plĕng tơdroăng dêi mâu kơ koan, rơkong tơpui tối Khu hnê mơhno vâ kêi đeăng tơdroăng tơkêa bro.

Tâi tâng a roh pêi cheăng

Tung mê, tơkŭm mơnhên xiâm kối dêi tơdroăng tơkêa bro; mơnhên nhên tâ mâu pơkâ, hnoăng cheăng ƀă pơkâ troăng prôk sap ing kố troh hơnăm 2030 ƀă sap ing 2030 troh 2045; mơnhên tơdroăng tơdroăng pơkuâ dêi Đảng, pơkâ troăng prôk xah hô̆i chuh ngiah, hnoăng pơkuâ dêi tơdroăng cheăng dêi kuăn pơlê tung mơjiâng, kêi đeăng Tơnêi têa tiô luât xah hô̆i chuh ngiah Việt Nam.

A Sa Ly tơplôu ƀă tơbleăng