Tơpui a rôh leh, pôa Võ Văn Thưởng tơngah, Thươ̆ng tươ̆ng Trịnh Văn Quyết pơtối mơdêk khôi hmâ khên tơnôu dêi Khu lêng kuăn pơlê Việt Nam, pêi klêi rơkê hnoăng cheăng ki châ pơcháu.

Tơpui a Leh diâp pơkâ, Thươ̆ng tươ̆ng Trịnh Văn Quyết tối khŏm tơmiât rơkê tơdroăng ki hnê mơhno dêi kăn xiâm hnê ngăn tơnêi têa; môi hiâm mơno khât ƀă Đảng, Tơnêi têa ƀă kuăn pơlê; kơhnâ hriâm tâp ƀă pêi pro tiô rơkong hnê tối dêi Hồ Chí Minh ‘na hiâm mơno túa rêh ối dêi ngế pro tươ̆ng: Tuăn ngoâ – Khên tơnôu – Hiâm mơno lĕm – Tơdrăng – Môi hiâm mơno; pơtối mơ-eăm, hriâm pât, rak vế ki lĕm ‘na túa rêh ối kăch măng, hbrâ rơnáu tơdah xo ƀă pêi klêi mâu hnoăng cheăng châ Đảng, Tơnêi têa, Khu lêng ƀă kuăn pơlê pơcháu.