Teăng mâ kăn pơkuâ Đảng, Tơnêi têa ƀă cho môi ngế sinh viên hneăng hdrối, kăn xiâm hnê ngăn tơnêi têa Võ Văn Thưởng tối phiu ro ƀă ƀriê drêng vêh pôu hngêi trung tung mâu hâi lâp tơnêi têa tơmiât troh tơbâ hâi hnoăng cheăng thái cô Việt Nam lơ 20/11. Kăn xiâm hnê ngăn tơnêi têa xuân pơtroh rơkong kơ-êng tơdrăng ƀă rơkong rơkâu tơniăn lĕm má môi troh mâu thái cô, drêng tơbâ hâi lơ 20/11.

Ƀă lối 65 hơnăm mơjiâng ƀă xông rơdêi, khu pei cheăng dêi hngêi trung đi đo châ hnê hriâm tơ’nôm, mơnhông ‘na kơxô̆ ngế hriâm, ivá, tơdroăng ki rơkê, ‘na tơdroăng cheăng, rơkê plĕng tung hriăn ngăn, hnê. Hên yă sư, tiĕn sih châ hên inâi khoa hok yăo duk ki kơnía tung tơnêi têa ƀă a kong têa ê, châ sinh viên ƀă pơlê pơla loi tơngah, pâ nhuô̆m. Drêng kố, kăn xiâm hnê ngăn tơnêi têa xuân diâp 20 hnoăng liăn hriâm rơkê tâi tâng kơnâ 100 rơtuh liăn ăm sinh viên ki kơhnâ rơkê dêi hngêi trung ƀă 100 rơtuh liăn ăm tơdroăng ki mơhnhôk hriâm dêi hngêi trung.