VOV4.Xơ Đăng - A pơlê ong kơdrâm Việt Trì, Vi ƀan kong pơlê Phú Thọ hiăng tơkŭm pơxiâm mơjiâng bro hngêi hơdruê  mơhno túa lê̆m tro kong pơlê Phú Thọ. Pôa Nguyễn Xuân Phúc, Kăn xiâm hnê ngăn tơnêi têa troh veăng leh ƀă veăng mơjiâng tơmeăm khoăng.

Kăn xiâm hnê ngăn tơnêi têa veăng leh pơxiâm mơjiâng pro.

Tơdroăng Tơkêa pro Hngêi mơhno tuá lê̆m tro  dêi kong pơlê Phú Thọ châ mơjiâng pro a kơpong plông kân Hùng Vương vâ  pro tíu ki mơdêi ‘na tơmeăm khoăng ki mơjiâng pro ƀă mâ ngăn kơpong kơphô̆ pơlê kong kơdrâm Việt Trì. Tơmeăm khoăng mơjiâng pro ƀă kơxô̆ liăn tâi tâng vâ chê 400 rơtal liăn, pro 1 rơpâu tíu ối ai 3 râ a ngâ, 1 râ tung kơdâm, 1 râ a ‘ngêi  ai kuâ, ki rơdâ gá vâ chê 5 rơpâu met karê. Tiô tối hdrối kô pro klêi a hơnăm 2023. Klêi mơjiâng pro, Hngêi mơhno tuá lê̆m tro  dêi kong pơlê mê kô cho tíu tơkŭm mơđah hơdruê xuâng ki hmâ, ôh tá hmâ, mơhno túa lê̆m tro dêi kuăn pơlê ƀa vâi tơkŭm pêi pro tơdroăng kal kí, mơhno lê̆m tro- rêh ối pơlê pơla dêi mâu kuăn pơlê, ăm kuăn pơlê ngăn  tơmối troh mơđah  hơdruê xuâng.

Gương tơplôu ƀă tơbleăng