Tiô tơdroăng pêi cheăng, pôa Võ Văn Thưởng veăng Leh pơxiâm po Hneăng hôp tơpui tơno khu râ kăn xiâm tơrŭm lâp plâi tơnêi ‘’Troăng pakĭng ƀă Troăng kân’’ roh má 3 xua pôa Tập Cận Bình, Kăn xiâm pơkuâ hnê ngăn Đảng, Kăn xiâm hnê ngăn kong têa Sinuâ pơkuâ.

Veăng ƀă xông tơpui a Roh hôp khu râ kăn xiâm dó inâi: Cheăng kâ xúa kŏng ngê̆ - Tơdroăng mơhnhôk nếo dêi tơtêk ƀă kô ai hên roh trâm mâ pơla péa pâ ki kal ƀă khu râ kăn pơkuâ mâu kong têa, mâu khu tơrŭm cheăng lâp plâi tơnêi rơtế veăng Hneăng hôp tơpui tơno roh kố.

Pôa Võ Văn Thưởng xuân kô ai hên roh trâm mâ pơla péa pâ ƀă khu râ kăn pơkuâ kong têa Sinuâ, lăm pôu troăng pêi mơjiâng thôn pơlê nếo dêi pơlê kong kân Bắc Kinh; tơdah mâu khu râ kăn pơkuâ mâu grup pơkuâ má môi Sinuâ. Trâm mâ kăn ƀô̆, mâu ngế pêi cheăng Kơ koan teăng mâ Việt Nam ƀă Kăn pơkuâ kơ koan teăng mâ Việt Nam a pơlê kong kân dêi Sinuâ.