VO4.Xơ Đăng - Kơxo lơ 17/5, a Tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa trâm mâ Khu râ kăn teăng mâ mơngế ki kuăn pơlê loi tơngah, nhuô̆m pâ tung vâi krâ hdroâng kuăn ngo kong pơlê Tuyên Quang. A roh trâm mâ, Kăn xiâm hnê ngăn tơnêi têa mơnhên, Đảng, Tơnêi têa đi đo nhuô̆m tơdroăng pêi cheăng hdroâng kuăn ngo cho hnoăng cheăng ton xŏn tung pêi hnoăng cheăng kăch măng dêi tơnêi têa, hiăng pêi pro hên tơdroăng kân mơnhông mơdêk cheăng kâ – mơhno túa lĕm tro – rêh ối pơlê pơla, rak tơniăn cheăng lêng gak kring kơpong vâi krâ hdroâng kuăn ngo ƀă kong ngo, vâ châ tiô pơkâ pơ’lêh tơdroăng rêh ối ‘na kế tơmeăm khoăng ƀă hiâm mơno dêi vâi krâ mâu hdroâng kuăn ngo ƀă mơ-eăm pro kơdroh kơtăn mơnhông mơdêk pơla kong ngo ƀă kơpong tơbăng.

Kăn xiâm hnê ngăn tơnêi têa trâm kăn teăng mâ mơngế châ kuăn pơlê loi tơngah nhuô̆m pâ tung vâi krâ hdroâng kuăn ngo kong pơlê Tuyên Quang

Tung la ngiâ, pôa Nguyễn Xuân Phúc pơkâ thế mâu khu xiâm, kơvâ cheăng ƀă kong pơlê, tung mê ai kong pơlê Tuyên Quang tơkŭm tah lôi mâu tơdroăng ối tơvâ tơvân, tá hâi tơtro; pro tơ’nôm, pêi kêi đeăng troăng hơlâ vâ thăm pêi pro, mơnhông tâ mê nếo hnoăng cheăng dêi mơngế ki kuăn pơlê ki loi tơngah, nhuô̆m pâ tung kơpong hdroâng kuăn ngo, kum pêi pro châ tơƀrê tơdroăng pêi cheăng kum hdroâng kuăn ngo dêi Đảng ƀă troăng hơlâ kum hdroâng kuăn ngo dêi Tơnêi têa nôkố.

A Sa Ly tơplôu ƀă tơbleăng