A rôh trâm mâ, pôa Võ Văn Thưởng, Kăn xiâm hnê ngăn tơnêi têa  khê̆n kơdeăn, tung hơnăm kô hía nah, pơlê kong kân ôh tá la lâi pơtê đi đo mơ-eăm  ƀă mâu pơlê pơla tơkâ luâ tơdroăng xơpá klêi kơ’nâi pơreăng kân COVID-19; ‘mâi mơnhông pêi chiâk tê mơdró, tơleăng mâu tơdroăng ki hâi klêi pêi, tơmâng khât troh tơdroăng rêh ối dêi kuăn pơlê, ki pơxúa ăm pơlê pơla, tơmâng mơnhông tơdroăng rêh ối, vâ tuăn ngôa kuăn pơlê tơniăn.

Tung tơdroăng mơnhông mơdêk pơlê kong kân ƀă tơnêi têa ai hnoăng veăng ‘no kân kĭn ai hnoăng veăng ‘no hên mâu ƀok , yah mâu ngế kum pêi hnoăng cheăng ‘na loi tĭng tiô khôp, kuăn pơlê, kuăn ngo, mâu ngế rơkê, mâu khu pú hên, mâu ngế pêi cheăng kơhnâ rơkê dêi pơlê kong kân Hồ Chí Minh. Kăn xiâm hnê ngăn tơnêi têa thế Pơlê kong kân pêi tro mâu pơkâ  dêi Đảng, dêi Kuô̆k hô̆i, tung mê ai mâu pơkâ ki xiâm vâ mơnhông pơlê kong kân xông tơ ƀrê.