A rôh trâm mâ, tối phiu ro xua Khu Hơnĕng - Keăng - Ngiâ Việt Nam ai tơdroăng tơrŭm cheăng ƀă kong têa ê kơhnâ ƀă hên Khu Hơnĕng - Keăng - Ngiâ Việt Nam a kơpong bă a kong têa ê, veăng kum ăm tơdroăng rak ngăn ivá kuăn pơlê. Malối, Khu kố hiăng ai tơdroăng ki pâ ƀă rak ngăn ivá ăm vâi hdrêng ki ai tơdroăng ôh tá lĕm a ngiâ, pro pơxúa hlê plĕng trâu hơngế khât, bro chiâng ivá lĕm tro ăm vâi o pơxiâm mot tung tơdroăng rêh ối ki ôh tá ai mâu tơdroăng kơxiâp kơmêi ki lâi.

Kăn xiâm hnê ngăn tơnêi têa pơkâ thế, tung la ngiâ ah, Khu xiâm ngăn pơkeăng ƀă khăm pơlât, Khu xiâm ngăn y hok Việt Nam, mâu khu xiâm, kơvâ cheăng ki ai tơdjâk troh kal mơ-eăm ‘mâi rơnêu mâu tơdroăng xơpá ‘na troăng hơlâ, hbru chưng chih pêi cheăng, bro hơ’lêh nếo ăm kơvâ khăm pơlât tối tơdjuôm ƀă kơvâ Hơnĕng - Keăng - Ngiâ  Việt Nam tối krê.