Xông tơpui a roh leh, pôa Võ Văn Thưởng, Kăn xiâm hnê ngăn tơnêi têa pơtroh rơkong rơkâu lĕm tro má môi troh kăn ƀô̆, giảng viên, ngế hriâm, nhân viên, mâu lêng ki hriâm cheăng lêng, tơdrêng amê kheăn kơdeăn Hok viê̆n đi đo rak khôi túa lĕm tro, cho môi tíu xiâm hnê mơjiâng tuăn ngôa rơkê, hriăn plĕng khoa hok má môi dêi khu lêng ƀă dêi lâp tơnêi têa.

Rơtế ƀă hnoăng cheăng hnê cheăng lêng, hnê pơtâp, Kăn xiâm hnê ngăn tơnêi têa pơkâ Hok viê̆n đi đo mơdêk ki châ tơƀrê lĕm tơrŭm cheăng lâp plâi tơnêi ‘na hnê mơjiâng tuăn ngôa rơkê; nhuô̆m hnoăng hnê mơjiâng, hnê tơ’nôm kăn ƀô̆ khu râ kăn xiâm cheăng lêng kum péa tơnêi têa Lếo ƀă Kul.

Kăn xiâm hnê ngăn tơnêi têa loi tơngah ƀă khôi túa ƀlêi trâng 46 hơnăm mơjiâng, mơnhông ƀă xông kân, Hok viê̆n hnê hriâm cheăng lêng kô pê kêi đeăng hnoăng cheăng hơnăm 2023 – 2024; tơdrêng amê mơnhên troăng prôk krá tơniăn tiô troăng tơpui leăng ƀă tơdroăng nôkố ki khu lêng, Đảng pin hiăng châ tơƀrê.