VOV4.Xơ Đăng - Vâ chê troh leh tơbâ 74 hơnăm Hâi Pôa Hồ Chí Minh, Kăn xiâm hnê ngăn tơnêi têa kơbông krếo tơ’noăng pâ nhuô̆m tơnêi têa, 60 hơnăm Hâi mơjiâng khu Kan sát kuăn pơlê, kơmăng lơ 5/6, tro hâi leh tơbâ 111 hơnăm Pôa Hồ lo lăm tăng troăng tŏng kum tơnêi têa, a Cung Văn hóa Lao động Hữu nghị Việt Xô (Hà Nội), Khu xiâm pơkuâ Kŏng an tơkŭm po tơdroăng trâm mơđah tơbleăng ngê̆ thuât, pơ-ôu pơ-eăng Kŏng an cheăm ki rơkê má môi ‘’rêh ối tung hiâm mơno kuăn pơlê’’.

Kăn xiâm hnê ngăn tơnêi têa veăng ƀă xông tơpui hnê mơhno a leh ‘’Trâm ‘na ngê̆ thuât, pơ-ôu pơ-eăng Kăn pơkuâ kŏng an cheăm ki kơhnâ rơkê

Veăng ƀă xông tơpui hnê mơhno a roh leh, pôa Nguyễn Xuân Phúc, Kăn xiâm hnê ngăn tơnêi têa kheăn kơdeăn Đảng ŭy Kŏng an Tơnêi têa, Khu xiâm pơkuâ Kŏng an hiăng pêi pro tro Pơkâ dêi Khu xiâm kal kí ‘na pơtối pơ’lêh nếo, rah mâu kăn pêi cheăng Khu xiâm Kŏng an kơxô̆ mơngế iâ, pêi cheăng châ tơƀrê; ƀă Pơkâ kơxô̆ 42 dêi Chin phuh ‘na tơdroăng mơjiâng kŏng an cheăm, pơlê kân ki păng ‘nâng.

Pơtối mê, khu Kŏng an kuăn pơlê châ tơkŭm po, pêi cheăng pŭn râ, ƀă troăng hơlâ cheăng dêi kăn ƀô̆ kong pơlê ó rơdêi, tơring tŭm têk, cheăm ối a tíu cheăng, tung mê hiăng pêi kêi đeăng tơdroăng xing xoăng Kŏng an ki păng nâng pôu râng hnoăng cheăng Kŏng an cheăm tung lâp tơnêi têa.

A Sa Ly tơplôu ƀă tơbleăng