VOV4.Xơ Đăng - A kơmăng lơ 6/4, tung mâu hâi phiu ro lâp tơnêi têa dế pêi pro tơdroăng cheăng troh hâi leh xối tơbâ pơtáu Hùng hlâ hâi 10/3, pơlê kong kân Cần Thơ tơkŭm po Leh hiăng pro kêi tíu xối tơbâ pơtáu Hùng, môi tíu xối tơbâ mơhno ki lê̆m kơnía ‘’ô têa pâ kơnhŏng’’ dêi hdroâng mơngế, vâ pâ hnoăng hiăng ‘no mơjiâng tơnêi têa dêi mâu pơtáu Hùng. Apoăng pơxiâm leh, a tíu xối tơbâ ki xiâm dêi pơtáu Hùng, pôa Nguyễn Xuân Phúc, Kăn xiâm hnê ngăn tơnêi têa pơkuâ djâ khu kăn xiâm Đảng, Tơnêi têa chôu nhang nhoăm pâ, pâ kơ hnoăng mâu pơtáu Hùng.

Kăn xiâm hnê ngăn tơnêi têa, ngế xiâm ki pơkuâ chôu nhang tơbâ a mâu tíu xối tơbâ tiô tơdroăng pơkâ xiâm pơtáu Hùng, a xiâm Lạc Long Quân, Nôu xiâm Âu Cơ, Lạc tướng, Lạc Hầu. Chêh hlá mơ-éa tơbâ a tíu xối tơbâ, pôa Nguyễn Xuân Phúc tối, tíu kố kô cho tíu tơkŭm nhoăm pâ dêi khu pơtáu Hùng a kơpong tơnêi  peăng Hdroh ƀă hlối tơdjêp ki tĭng ƀă tíu xối tơbâ Đền Hùng cho tíu tơnêi Peăng kơnhŏng, môi tiah têa mŏng xiâm peăng Kơnhŏng - Peăng Hdroh môi toăng hngêi, môi tơnêi têa, mơnhông mơdêk kro mơdrŏng, rơdêi khên tơnôu.

Gương tơplôu ƀă tơbleăng