Kăn xiâm hnê ngăn tơnêi têa Võ Văn Thưởng tối hneăng lăm pôu, pêi cheăng ai pơxúa ƀă péa Đảng, péa tơnêi têa. Kăn xiâm hnê ngăn loi khât, hneăng Hôp tơpui tơdroăng: Mơnhông túa lĕm tro, kuăn mơngế tung tơdroăng mơnhông tơnêi têa tiô troăng xah hô̆i chuh ngiah - Túa hmâ pêi cheăng dêi Việt Nam, Túa hmâ pêi cheăng dêi Lếo... kô klêi tơniăn lĕm, veăng ‘no hnoăng pro trâu tâ tơrŭm cheăng péa Đảng, péa tơnêi têa.

Kăn xiâm hnê ngăn tơnêi têa tối nhên, tung tơdroăng mơnhông dêi Việt Nam hên hơnăm hdrối nah đi đo tơmâng, hnê tối, veăng mơhnhôk ing Đảng, Tơnêi têa ƀă kuăn pơlê Lếo nhŏng o. Tung pơla pơkuâ hnê mơhno dêi tơná, péa Đảng hiăng rơtế hnê tối ăm dêi rơpó ‘nâi mâu túa pêi cheăng ƀă pê klêi tơniăn. Tơrŭm pơla Hô̆i đong tơpui kâ péa pâ rế tơƀrê.