Tung chôu phut sôk ro tơpui tơno, péa pâ khê̆n kơdeăn ƀă tối sôk ro ‘na tơdroăng mơnhông tơniăn lĕm, tung tŭm tơdroăng tơrŭm pơla Việt Nam -Nhuk ƀă tơdroăng hmâ dêi rơpó dêi kuăn pơlê péa tơnêi têa.

Kăn xiâm hnê ngăn tơnêi têa tối mâu rôh lăm pôu Việt Nam ton nah dê Pơtáu ƀă kơdrâi pơtáu hơnăm 2017 cho ngế pro pơtáu  ƀă kơdrâi pơtáu Nhuk ƀă mâu hneăng lăm pôu Việt Nam dêi pơtáu a hơnăm 2009 nah dé mê nah cho dé kuăn pơtáu, xuân môi tiah hneăng lăm pôu khế 9 kô nah dêi kuăn pơtáu kơnốu Akishino  ƀă kuăn pơtáu kơdrâi  hiăng mơhno tơdroăng ki lĕm chôu pâ tung hiâm mơno kăn xiâm ƀă mâu kuăn pơlê Việt Nam, veăng ‘no hnoăng rơdêi thăm loi nhoăm dêi rơpó, hlê dêi rơpó tâ nếo pơla kuăn pơlê péa tơnêi têa ƀă  mơnhông tơrŭm cheăng pơla Việt Nam- Nhuk tâk tơrŭm cheăm tung tŭm tơdroăng xua hơniâp lĕm ƀă kro mơdrŏng  a châu Á ƀă tung lâp plâi tơnêi. Kơxêi hâi ki mê,  a hngêi pơtáu ƀă kơduâi pơtáu pơkuâ ôu kâ ƀă kăn xiâm hnê ngăn tơnêi têa Võ Văn Thưởng ƀă kơdrâi pôa.