Mơnhên tơdroăng mơnhông mơdêk tơxâng hâk tơngăm dêi Mô đô̆i đăk kong klêi kơ’nâi 56 hơnăm mơjiâng, tơplâ ƀă xông kân, Kăn xiâm hnê ngăn tơnêi têa tối nhên, rêm rơxông kăn ƀô̆, mô đô̆i đăk kong hiăng mơjiâng mâu tơdroăng ƀlêi trâng ki má môi, rơtế lâp tơnêi têa pêi kêi đeăng tơdroăng tơplâ tơleăng lĕm hdroâng mơngế, môi tuăn tơnêi têa.

Tung hneăng nôkố, Ƀinh chủng hiăng pêi lĕm tro tơdroăng tơbleăng, pơkâ ƀă Khu pơkuâ cheăng Đảng mô đô̆i tơnêi têa, Khu xiâm pơkuâ lêng mơjiâng ƀă mơnhông khu mô đô̆i đăk kong tiô troăng mơngế pêi cheăng tơtro má môi, rơdêi; pêi pro lĕm tro tơdroăng cheăng đăk kong – kơ koan cheăng ki hbrâ mơdât tâi tâng khu lêng.

Kăn xiâm hnê ngăn tơnêi têa hnê mơhno kal mơjiâng khu cheăng đăk kong Việt Nam ƀeăn ƀĕng rơkê ‘na kal kí; khên tơnôu ‘na kal kí phá tâ krá tơniăn, ai tuăn tơmiât ki phá tâ a’ngêi tâ; cho khu tơplâ loi tơngah má môi, môi tuăn ƀă Đảng, ƀă Tơnêi têa ƀă kuăn pơlê.