Tung rôh lăm po mâu hneăng hôp Măng tĭng  mâu kăn xiâm APEC 2023, Kăn xiâm hnê ngăn tơnêi têa Võ Văn Thưởng  kô rơtế ƀă mâu Kăn xiâm ngăn cheăng kâ APEC tơpui mau tơdroăng ki ai pơxúa khât ƀă tơdroăng cheăng kâ  tung lâp plâi tơnêi ƀă tung kơpong; pơ kâ mâu troăng rơhlâ tơrŭm cheăng ‘na tê mơdró,  ‘no liăn cheăng, khoa hok kơmăi kơmok, pơ’lêh hriê̆n plĕng  ƀă hên tơdroăng ki ê.

Việt Nam  kô rơtế ƀă mâu kong têa tung khu  mơdêk tơpui tơno, mơjiâng tơdroăng vâ pêi, ai hnoăng cheăng ƀă tơná pêi, mơdêk chuh nghah hên troăng, rơtế tơrŭm, rơtế pêi pro xua vâ mơnhông mơdêk krá tơniăn ƀă hơniâp kro mơdrŏng tung kơpong. Kăn xiâm hnê ngăn tơnêi têa Võ Văn Thưởng xuân veăng hôp ƀă tối tơbleăng  tơdroăng tơpui a Hneăng hôp kân Khu mơdró, veăng hôp tơpui tơno ƀă mâu kăn xiâm cheăng kâ APEC ƀă mâu khu tơrŭm cheăng, mâu ngế krếo veăng hôp; veăng hôp mâu Kăn xiâm tơpui tơdroăng cheăng kâ Ấn Độ Dương – Thái Bình Dương.