Phiu ro trâm mâ Yăo sư Ochi ƀă mâu ngế cheăng tung Khu tơrŭm, Kăn xiâm hnê ngăn tơnêi têa tối rơdêi, mâu tơdroăng ƀliê chiâng tung tơrŭm cheăng péa tơnêi têa Việt Nam – Nhuk tung pơla hdrối nah ai ivá veăng kum kân dêi kuăn pơlê péa tơnêi têa tung mê ai Khu tơrŭm cho khu ki rơkê Nhuk – Việt Nam, malối cho tung kơvâ khoa hok kong ngê̆, hnê hriâm hnê cheăng pêi.

Ƀă tơdroăng ki péa tơnêi têa mơdêk râ troh a tơnêi têa tơrŭm cheăng tung la ngiâ tơrŭm tung tâi tâng, kố cho rôh vâ Khu tơrŭm pơtối mơdêk mâu tơdroăng cheăng tơrŭm ƀă Việt Nam. Môi tuăn ƀă Yăo sơ Ochi ‘na tơdroăng Khu tơrŭm rơhêng vâ tơrŭm ƀă Việt Nam tung mâu kơvâ cheăng, Kăn xiâm hnê ngăn tơnêi têa ăm ‘nâi, kố pơrá cho mâu kơvâ cheăng ki Việt Nam ai tơdroăng rơhêng vâ khât, tơdrêng amê hlối pơkâ thế Khu tơrŭm mơdêk rơdêi mâu tơdroăng tơrŭm cheăng nhên tung la ngiâ.