Kăn xiâm hnê ngăn tơnêi têa Võ Văn Thưởng koh hâk Kăn xiâm hnê ngăn Kuô̆k hô̆i Bulgaria pôu păng ‘nâng Việt Nam klăng a rôh apoăng hơnăm nếo 2024, mơhno tơdroăng ki ngăn nhuô̆m ƀă tơngah ‘na tơdroăng kal kí tung tơrŭm cheăng pơla péa tơnêi têa.

Pôa Dimitrov Jeliazkov tơbleăng ăm Kăn xiâm hnê ngăn tơnêi têa ‘na rôh tơpui tơno ki ƀlêi chiâng ƀă kăn xiâm hnê ngăn Kuô̆k hô̆i Vương Đình Huệ ƀă tối nhên, rơhêng vâ péa pâ tơbleăng mâu troăng hơlâ tơrŭm cheăng dế ai nôkố, tung mê ai rôh hôp dêi Vi ƀan tơrŭm Chin phuh Việt Nam – Bulgaria.

Tung rôh pôu kố, Khu kăn hiăng pôu pêi cheăng a mâu kong pơlê, ing mê hlo ki ai hlâu tơrŭm cheăng gá hên pơla kong pơlê péa tơnêi têa, po rôh tơrŭm ‘na cheăng kâ xuân môi tiah mơdêk trâm mâ kuăn pơlê; phiu ro Việt Nam pơtroh khu ki rơkê hnê nâl Xuăn a Bulgaria.

Kăn xiâm hnê ngăn tơnêi têa Võ Văn Thưởng tối nhên, Việt Nam đi đo ngăn nhuô̆m tơrŭm cheăng ƀă Bulgaria, tung la ngiâ ah, Kăn xiâm hnê ngăn tơnêi têa rơhêng vâ péa pâ kal mơdêk tâ nếo tơrŭm cheăng kal kí tơpui kâ, rơhêng vâ rĕng tơdah kăn xiâm pơkuâ kong têa Bulgaria xuân môi tiah mâu kăn pơkuâ ƀă dêi Bulgaria pôu Việt Nam.