A roh tơdah, Kăn xiâm hnê ngăn tơnêi têa kheăn kơdeăn tơdroăng châ tơƀrê hôp tơpui tơno păng ‘nâng, châ tơƀrê pơla Kăn xiâm phŏ hnê ngăn tơnêi têa Võ Thị Ánh Xuân ƀă Kăn xiâm phŏ pơkuâ kong têa Kŏng hoa Nam Phi Paul Mashatile.

Kăn xiâm hnê ngăn tơnêi têa tối nhên Việt Nam nhuô̆m tơrŭm cheăng xua Tơrŭm ƀă mơnhông ƀă Nam Phi, pói vâ péa pâ pơtối mơdêk tơrŭm cheăng, pêi trâu hơngế tâ nếo tơrŭm cheăng tung mâu kơvâ cheăng tung la ngiâ. Tối phiu ro ‘nâng roh apoăng troh lăm pôu Việt Nam ƀă Châu Á, Kăn xiâm phŏ pơkuâ kong têa Nam Phi Paul Mashatile, tơnêi têa ƀă Chin phuh Nam Phi nhuô̆m ƀă pói bâ mơdêk tơrŭm cheăng tung hên kơvâ cheăng ƀă Việt Nam.

A roh tơdah péa pâ môi tuăn thăm trâm mâ, tơpui tơno pơla khu, ki má lối cho khu râ kăn xiâm vâ thăm krá tơniăn tâ mê nếo loi tơngah kal kí; tŏng kum dêi pó a mâu hneăng hôp tơpui tơno hên pâ, ki má lối cho a Khu lâp kong têa, mơdêk tơrŭm cheăng kâ, tê mơdró, mơ’no liăn cheăng, hnê hriâm, hnê mơjiâng ƀă mâu kơvâ nếo môi tiah pơ’lêh pêi cheăng xúa kŏng ngê̆, pêi cheăng krúa lĕm kong prâi, kum păng ‘nâng mơnhông cheăng kâ – rêh ối pơlê pơla rêm.