Kăn xiâm hnê ngăn tơnêi têa Võ Văn Thưởng hâk phiu châ trâm nếo Ngế pro xiâm hnê ngăn kong têa Kul Hun Manet tung rôh lăm pôu Việt Nam; tối Việt Nam đi đo nhoăm ƀă púi vâ ôh tá la lâi pơtê tơrŭm ƀă tơrŭm tung tŭm tơdroăng cheăng ƀă Kul.

Péa ngế kăn vâ môi tuăn mơdêk tâ nếo tơrŭm cheăng kal kí, ‘na lêng, kring tơniăn, cheăng kâ-tê mơdró, khoa hok kơmăi kơmok, pêi chiâk, ôm hyô, trâm tơpui tơno ƀă kuăn pơlê; pơtối mơdêk tơrŭm cheăng tung hnê hriâm, hnê mơjiâng tuăn ngôa rơkê ƀă mơdêk tơƀrê tâ ‘na mơngế pêi cheăng; tơrŭm mơdêk hnê tối, hnê hriâm rêm râ kuăn pơlê péa tơnêi têa, malối cho rơxông nếo vâ hlê ‘na tơdroăng ton nah ki hmâ lĕm tơrŭm ƀă vâ ‘nâi mâu hnoăng ki hiăng châ chiâng pêi pro tung tơrŭm cheăng tŭng tŭm tơdroăng pơla Việt Nam - Kul.