Kăn xiâm hnê ngăn tơnêi têa tối, Việt Nam hdrối, klêi kơ’nâi môi tiah môi, nhoăm tơdroăng tơrŭm cheăng lĕm ƀă Kul; phiu ro drêng tơdroăng tơrŭm cheăng pơla péa pâ rế ton rế xông tơƀrê ƀă rế trâu rơdâ. Kăn xiâm hnê ngăn tơnêi têa Võ Văn Thưởng tối nhên, Việt Nam đi đo chôu pâ tơdroăng veăng kum ki kal dêi kuăn pơlê kong têa Kul tung mâu tơdroăng tơplâ ƀă kring vế tơnêi têa hdrối nah xuân môi tiah tung tơdroăng mơjiâng ƀă mơnhông tơnêi têa nôkố.

Rơtế ƀă tơdroăng tơnêi tíu, mơhno túa lĕm tro, kuăn pơlê péa pâ tơnêi têa hiăng rơtế ƀă dêi rơpó plâ mơdât khu lêng ‘mêi tơdjuôm, rơtế tơkâ luâ tơdroăng pá pơloăng mơnúa ƀă nôkố rơtế tơrŭm cheăng mơnhông tơnêi têa. Kăn xiâm hnê ngăn tơnêi têa tối phiu ro hlo mâu kăn xiâm dêi Kul pơkuâ cheăng pêi tơniăn lĕm ƀă Việt Nam, púi vâ pơtối mâu rơxông kăn pơkuâ hdrối nah, pro trâu rơdâ tơrŭm cheăng  tiah hmâ ton nah pơla Việt Nam - Kul.