Kăn xiâm hnê ngăn tơnêi têa Võ Văn Thưởng khĕn kơdeăn khât tơdroăng hiăng tơpui klêi pơla péa Ngế xiâm pơkuâ ngăn lêng péa tơnêi têa; pakĭng mê tối, Đảng, Tơnêi têa Việt Nam đi đo mơhnhôk, thế, pro tơ’lêi hlâu vâ tơrŭm cheăng lêng péa tơnêi têa rế tơƀrê. Tung pơla tung kơpong ƀă lâp plâi tơnêi ai hên tơdroăng  ôh ta tơniăn, pá vâ ‘nâi hdrối, Kăn xiâm hnê ngăn tơnêi têa Võ Văn Thưởng púi vâ péa Khu xiâm pơkuâ ngăn lêng mơdêk tơrŭm krá tối ăm dêi rơpó ‘nâi mâu tơdroăng cheăng lêng, ăm dêi rơpó ‘nâi mâu tơdroăng tung kơpong, tung lâp plâi tơnêi vâ tơdroăng tơrŭm ƀă dêi rơpó rế tro tơƀrê tâ.

Péa pâ kal pơtối tơrŭm krá khât, pêi mâu tơdroăng tơhrâ tơrŭm cheăng hiăng ai, pơtối nhoăm tung tơdroăng hnê hriâm, ăm hriâm tơ’nôm ƀă mâu sih quan, malối cho mâu sih quan hơnăm ối nếo.