A rôh tơdah, Péa pâ tối phiu ro ‘na mâu tơdroăng tơrŭm cheăng ki kal ki hiăng châ rơhéa tung pơla hdrối nah, malối cho cho tơdroăng ki péa tơnêi têa tơrŭm krá, thăm mơdêk pơtroh mâu khu râ kăn lăm troh a tơnêi têa dêi rơpó, trâm mâ khu râ kăn xiâm ƀă mâu troăng hơlâ tơrŭm cheăng pơla péa; tối nhên tơrŭm cheăng kân, tơrŭm tơviah ƀă tơrŭm tung tâi tâng kơvâ cheăng Việt Nam – Lếo cho môi tơdroăng ki ôh ti ai má péa tung lâp plâi tơnêi; pơkâ thế péa pâ pơtối hnê tơ’nôm, hnê hriâm ăm mâu rơxông xo ah hmôi pơtối mơdêk hiâm mơno tơrŭm ki kơnía git dêi Đảng ƀă kuăn pơlê péa tơnêi têa, ngăn kố cho kế tơmeăm ki kơnía git dêi péa hdroâng mơngế hiăng đi đo rơtế dêi rơpó, veăng kum mâu tơdroăng ki hơniâp lĕm tung plâ rôh tơplâ châ tơniăn hdroâng mơngế ƀă mơnhông tơnêi têa.