A rôh tơdah, Kăn xiâm hnê ngăn tơnêi têa Võ Văn Thưởng tơbleăng ăm mâu khu mơdró kâ ƀă khu ki ‘no liăn cheăng Mih ‘na mâu troăng hơlâ ƀă troăng pơkâ tơmiât tung la ngiâ dêi Việt Nam tung mơnhông cheăng kâ; tối nhên, hên hơnăm hdrối, Mih cho kong têa tê mơdró kâ ki kal dêi Việt Nam.

Kăn xiâm hnê ngăn tơnêi têa pin tối nhên, tơdroăng ki péa tơnêi têa mơdêk râ tơrŭm cheăng đi đo cho kong têa ki tơrŭm tung la ngiâ tâi tâng cho rôh tơ’lêi hlâu kân vâ mâu khu mơdró kâ Mih thăm mơdêk tơrŭm cheăng ƀă mâu khu mơdró kâ ƀă malối cho mâu kong pơlê dêi Việt Nam. ‘Na mâu tơdroăng ki ối pro pá tung tơrŭm cheăng péa tơnêi têa, kăn xiâm hnê ngăn tơnêi têa Võ Văn Thưởng rơhêng vâ mâu khu mơdró kâ Mih rơtế ai rơkong tơpui vâ Chin phuh Mih rĕng mơnhên troăng hơlâ cheăng kâ tê mơdró dêi Việt Nam; rĕng ăm Việt Nam lo ing inâi ki iâ châ tŏng kum chất bán dẫn vâ pro tơ’lêi hlâu ăm mâu tơdroăng tơkêa tơrŭm cheăng pơla péa pâ.