A roh hôp tơpui tơno, Péa pâ rơtế rơkâu mâu tơdroăng châ tơƀrê kân dêi rêm Đảng, rêm tơnêi têa châ tơƀrê tung tơdroăng mơjiâng chuh ngiah pơlê pơla, djâ tơdroăng rêh ối phâi hơtô, hơniâp lĕm ăm kuăn pơlê.

Kăn xiâm hnê ngăn tơnêi têa Võ Văn Thưởng tối nhên, tơdroăng mơnhông tơrŭm cheăng ƀă Sinuâ đi đo cho tơdroăng rah xo vâ pêi cheăng ton xŏn, kơjo má môi tung troăng hơlâ tơpui kâ ƀă kong têa ê dêi Việt Nam. Kăn xiâm pơkuâ hnê ngăn Đảng, Kăn xiâm hnê ngăn kong têa Sinuâ Tập Cận Bình mơnhên Sinuâ đi đo ngăn Việt Nam ai tíu ki má môi, cho troăng prôk kơjo tung troăng hơlâ tơpui kâ ƀă kong têa ê ki achê dêi pó dêi Sinuâ.

Tối nhên tơdroăng ki kal dêi tơdroăng thăm hlê plĕng, loi tơngah pơla kuăn pơlê péa tơnêi têa, péa kăn pơkuâ pơkâ thế péa pâ thăm trâm mâ tơpui tơno pơla kuăn pơlê péa tơnêi têa, ki má lối cho rơxông hơnăm ối nếo, thăm pơtâng tối ‘na khôi túa vâi krâ nah nhŏng o lĕm tro pơla péa pâ.

Rơtế hâi mê, Ngế pro xiâm hnê ngăn tơnêi têa Phạm Minh Chính, Kăn xiâm hnê ngăn Kuô̆k hô̆i Vương Đình Huệ xuân hiăng tơpui tơno ƀă Kăn xiâm pơkuâ hnê ngăn Đảng, Kăn xiâm hnê ngăn tơnêi têa Tập Cận Bình.