Tung roh lăm pôu pêi cheăng, Ngế pro xiâm hnê ngăn kong têa Nhuk Kishida ƀă kơdrâi pôa pơkuâ leh tơdah kân krip Kăn xiâm hnê ngăn tơnêi têa Võ Văn Thưởng ƀă kơdrâi Kăn xiâm hnê ngăn tơnêi têa. Péa ngế Kăn xiâm xuân kô pơkuâ djâ khu râ kăn xiâm péa tơnêi tơpui tơno, mơnhên mâu tơdroăng châ tơƀrê tung 50 hơnăm mơjiâng tơrŭm tơpui kâ ƀă pơkâ mâu troăng tơrŭm rơdêi tâ tung la ngiâ.

Kăn xiâm hnê ngăn tơnêi têa Võ Văn Thưởng ƀă kơdrâi Kăn xiâm hnê ngăn tơnêi têa xuân trâm mâ tơpui tơno ƀă Pơtáu ƀă kơdrâi pơtáu Nhuk; trâm mâ Kăn xiâm hnê ngăn Kuô̆k hô̆i râ má môi, Kăn xiâm hnê ngăn Kuô̆k hô̆i râ má péa Nhuk ƀă ai xông tơpui ki kal a Kuô̆k hô̆i Nhuk; veăng leh tơbâ 50 hơnăm mơjiâng tơrŭm cheăng tơpui kâ Việt Nam – Nhuk; pơtối pơkuâ mâu tơdroăng Đảng ƀă mâu khu cheăng kal kí kong têa Nhuk.