Pôa Phạm Văn Tịch kot mâ hơnăm 1952 a Quảng Nam, tung môi rơpŏng hngêi pâ tơnêi têa. Sap ối kŭn, pôa hiăng hlê veăng  mâu tơdroăng kơjo kum mố đô̆i. Hơnăm 1976 , tung môi rôh xâ kơ’nêh ƀom, pôa tro rong ó thế pôe péa pâ chêng, klêi mê mơnúa trâm môi khu ƀok thaí pơkeăng djâ pôa lăm pơlât a kong têa Mih. ƀă ai tuăn mơ-eăm, pôa hiăng hriâm, hriâm tâi  ƀă chiâng mơngế ki ai pơxúa chiâng ngế ki rơkê cheăng ‘na khoa hok kơmăi tính a đại học Berkeley, Califonia.

Kăn xiâm hnê ngăn tơnêi têa púi tơngah mâu rơxông nếo dêi Việt Nam ki rêh ối a kong têa ê pơtối râk vế tơdroăng ki pâ nhoăm tơnêi têa, hbrâ rơnáo tăng ‘nâi plĕng mâu tơdroăng vâ kuăn pơlê mơngế Việt Nam ki rêh ối a kong têa Mih, hlê nhên tâ ‘na tơdroăng tung tơnêi têa ƀă troăng rơhlâ dêi mơngế Việt Nam ki rêh ối a kong têa Mih đi đo môi tuăn dêi rơpó, râk tro luât a tơnêi têa ki tơná ối ƀă pơtối veăng ‘no hnoăng mơnhông kong têa Mih, tơdroăng tơrŭm pơla péa tơnêi têa, xuân môi tiah tơdroăng mơjiâng, kring vế ƀă mơnhông pơlê xiâm Việt Nam.