Kăn xiâm hnê ngăn tơnêi têa kheăn kơdeăn Khu sinh viên Việt Nam hneăng hiăng hluâ hiăng ai mâu troăng châ tơƀrê hên, tơkŭm po hên tơdroăng tơmiât pêi rơkê, păng ‘nâng, tơkŭm, rŭm môi tuăn tá sinh viên tung tơnêi têa ƀă sinh viên Việt Nam a kong têa ê veăng mơjiâng ƀă gâk kring Tơnêi têa.

Kăn xiâm hnê ngăn tơnêi têa pói vâ, ƀă tơdroăng ki ƀeăn ƀĕng ƀă pơlê pơla ƀă hriâm kân, ƀă tơdroăng rêh ối lĕm ro phiu ro  ƀă mâu tơdroăng ki pói vâ, tơdroăng ki tung hiâm mơno pói vâ ki lĕm tro, sinh viên Việt Nam kal mơnhên tơdroăng pêi la ngiâ, hnoăng cheăng dêi tơná ƀă tơnêi têa; rơtế ƀă tá hdroâng mơngế pêi pro tơdroăng pói vâ troh hơnăm 2045, chiâng tơnêi têa mơnhông, pêi lo liăn hên.