Hneăng hôp châ tơkŭm po tiô troăng mơ’no tơdrêng tung um tiô troăng hyôh măng, tíu mơ’no hyôh xiâm a pơlê kong kân Đà Nẵng ƀă vâ chê 800 tíu hrik a mâu kong pơlê.

Xông tơpui a hneăng hôp, kheăn kơdeăn Hngêi tơleăng kuăn pơlê xiâm ƀă tâi tâng kơvâ Hngêi tơleăng mơ-eăm pêi pro lĕm tro hnoăng cheăng châ pơcháu, Kăn xiâm hnê ngăn tơnêi têa pơkâ thế, kơvâ mơdêk tơdroăng cheăng tơbleăng tơdroăng pơkâ ƀă mơ-éa klêi kơ’nâi tơleăng, pơkâ dêi hngêi tơleăng pro xiâm kối vâ kuăn pơlê ƀă mâu kơ koan ki tơdjâk séa ngăn tơdroăng pêi cheăng dêi hngêi tơleăng, thăm loi tơngah dêi kuăn pơlê tung ki tơtro pơxúa tơdjuôm dêi pơlê pơla ƀă tơdâng tơ’mô pơlê pơla.

Hơnăm 2023, ki dâi lĕm, châ tơƀrê tơdroăng tơleăng dêi mâu hngêi tơleăng châ mơdêk, gâk kring lĕm tro hnoăng, pơxúa luât dêi Tơnêi têa, khu tơrŭm cheăng ƀă kuăn pơlê, kum rak tơniăn kal kí, tơniăn lâp pơlê pơla, veăng kum tung tơdroăng mơjiâng ƀă gâk kring Tơnêi têa.