A rôh  Leh, teăng mâ kăn xiâm Đảng, Tơnêi têa, Kăn xiâm hnê ngăn tơnêi têa Võ Văn Thưởng diâp Mê dái Pêi cheăng ối má Môi ăm Đảng ƀô̆, mâu kăn, kuăn pơlê kong pơlê Hậu Giang. Tối tơbleăng a rôh leh, Kăn xiâm hnê ngăn tơnêi têa tối nhên, Hậu Giang ai hnoăng cheăng pêi ki xiâm dêi kơpong peăng mâ hâi Lu Hậu Giang; cho đông xiâm kăch măng tung péa rơxông tơplâ.

Tung plâ mâu hơnăm pêi cheăng rêh ối dêi hdroâng mơngế, kuăn pơlê Hậu Giang hiăng mơ-eăm rak vế pêi pro tơdroăng tơrŭm pơla hdroâng mơngế, mơ-eăm, ôh tá xâu ki klâi, khên tơnôu. Vâ mơhno troăng pêi dêi Hậu Giang chiâng kong pơlê mơnhông tơ ƀrê tung kơpong ƀă lâp tơnêi têa têa, tơdrêng ƀă tơdroăng pêi pro ki lĕm troăng rơhlâ xiâm tơnêi têa têa ƀă Pơkâ hneăng Hôp kân Đảng ƀô̆ kong pơlê rôh má 14, Kăn xiâm hnê ngăn tơnêi têa  pơkâ thế Đảng ƀô̆ ƀă kuăn pơlê Hậu Giang kal hlê trâu hnoăng cheăng pêi tơná, tơdroăng pêi cheăng, tơmeăm khoăng ai hlâu ki tơ’lêi pêi, ki pá pơloăng mơnúa dêi kong pơlê ƀă mâu ƀai hriâm tơdroăng cheăng pêi kơnía git tung 20 hơnăm hdrối.